Pingajorarterummit amerlanerit meeqqat atuarfiannit qaffasinnerusumik ilinniarsimapput
Titartakkami 1-imi takuneqarsinnaapput ukiuni qulini kingullerni inuit 16-it sinnerlugit ukiullit ilinniagaasa qaffasissusaat. 2014-imi 36,2 procentit meeqqat atuarfiannit qaffasinnerusumik ilinniagaqarsimapput. Tamanna 6 procentpointinik qaffariarneruvoq.
Titartagaq 1. Innuttaasut 16-it sinnerlugit ukiullit ukiup naalernerani, ilinniakkanut qaffasisusaannut agguaallugit
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISCPROB).
Ilinniarnertuunngorniarfiit aammali inuussutissarsiornermi ilinniarfiit toqqarneqakkajupput, inuiaqatigiinnili aamma professionsbachelorit amerleriarsimapput. 2014-imi 16-it sinnerlugit ukiullit 15.440-it meeqqat atuarfiannit qaffasinnerusumit ilinniagaqarsimapput, taakkunannga 10.447-it ilinniarnertuunngorniarfinni imaluunnit inuussutissarsiornermik ilinniarfinni qaffasinnerpaamik ilinniagaqarsimallutik.
Ataani takuneqarsinnaapput inuttaasut 16-it sinnerlugit ukiullit kommuninut sisamanut agguaanneri. Tassanilu aamma takuneqarsinnaavoq inuit meeqqat atuarfiannit qaffasinnerusumik ilinniarsimasut agguaqatigiissinnerat ukiuni kingullerni qulini kommunini tamani qaffariarsimanera.
Titartagaq 2. Kommunini innuttaasut 16-it sinnerlugit ukiullit ukiup naanerani, ilinniakkat qaffasisusaannut agguaallugit
Nassuiaat: Inuit kommuneqarfiit avataanni najugaqartut titartakkami ilaanngunneqanngillat.
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISCPROB).
Agguaqatigiissillugu Kommuneqarfik Semersuumi qaffariaat annertunerpaavoq, tassani meeqqat atuarfiannit qaffasinnersumik ilinniagaqarsimasut ukiut qulit matuma siornarnit qaffariaataat 6,7 procentpointiulluni. Ilinniarnertuunngorniarfiit, inuussutissarsiornermi ilinniarfiit aammalu ilinniaqqinnerit qiviassangaanni Kommuni Kujallermi ineriartorneq annertunerpaasimavoq 5,7 procentpointinik qaffariarsimalluni.